LAOAG CITY –Nangbukel ti Philippine General Hospital (PGH) ti grupo kadagiti espesyalista tapno mangiwayat ti medical examination ken ni dati nga House Speaker Martin Romualdez kalpasan a maiyakar daytoy manipud Cardinal Santos Medical Center.
Basar iti Philippine General Hospital (PGH) iwayat dagiti doctor ti kasapulan a medical examination ken diagnostic tests ken ni Romualdez sakbay a maisubmitir ti komrepehsibo a resulta iti Sandiganbayan.
Impasiguradoda nga agbalin nga objective ken professional ti resulta ken saanda a mangiparuk-at ti aniaman a medical information mainaig iti kondision ni Romualdez malaksid iti panangipakaammoda iti pannakaisubmitiren iti korte tapno maprotehiran ti confidentiality daytoy.
Immunan iti daytoy ti panagkiddaw ni Romualdez ti agtultuloyna a panagtalinaed iti ospital kalpasan a maarestar daytoy iti Cardinal Santos mainaig ti kaso a plunder.
