LAOAG CITY – Nakaawat ti Provincial Government of Ilocos Norte (PGIN), nag inrepresentar ni Vice Governor Cecilia Araneta Marcos ti 50 a milyon a pisos manipud iti National Government iti babaen ni Presidente Ferdinand Marcos Jr. kas suporta iti rehabilitation effort ti probinsya gapu iti nagbalin nga epekto ti bagyo Marce.
Malaksid iti daytoy, naipaay pay ti financial assistance ken relief goods kadagiti ili a nakaru a naapektaran iti nasao a bagyo kas iti ili ti Vintar, Pasuquin, Bacarra, Burgos, Bangui, Dumalneg, Adams, ken Pagudpud.
Kagiddan iti daytoy, nagyaman ni Governor Matthew Marcos Manotoc iti agtultuloy a suporta a mawawat ti probinsya no adda dagiti kalamidad a sumangbay ditoy probinsya.
Kabayatanna, binigbig ti Gobernador ti Department of Social Welfare and Development (DSWD), Department of Labor and Employment (DOLE), Department of Public Works and Highways (DPWH) ken ti Department of Agriculture (DA).
