LAOAG CITY – Nakabirok ti Provincial Government of Ilocos Norte ti ad-adu pay a pagkolektaran ti mainayon a pundo ti probinsia.
Segun ken ni Sangguniang Panlalawigan Member Hanson Chua, babaen iti daytoy ket ad-adu dagiti maipaay pay a tulong para kadagiti umili.
Inbatadna nga ad-adda pay a bimmaba ti presio dagiti agas ken bayad dagiti sebisio medikal kadagiti district hospital ken provincial hospital tapno nalaklaka ti bayadan dagiti umili.
Inlawlawagna nga agpapada itan ti presio nga ipatpatungpal dagiti district hospital ken provincial hospital kas napagnunumoanda kabayatan iti panangtalantan ti revenue code.
Kunana a saan man a maipaay a libre ti agas wenno serbisio medikal ket inpasingkedna a nalaka daytoy para kadagiti umili.
Inpettengna a manarimaan ti panagadal ti Sangguniang Panlalawigan ti maipanggep iti investment code tapno ad-adda pay nga agbalin nga investor-friendly ditoy probinsia.
Innayonna a plano pay ti hunta probinsial a mangputar ti baro nga energy code gapu ta ad-adu dagiti agpuunan ditoy probinsia no ammoda a nalaka ti kuryente.
