LAOAG CITY – Nairekord ti 27.8% a panagngato ti merchandise exports ti pagilian idi Agosto 2026, a kaibatugan ti US$9.11 billion, kangatoan a bilang iti uneg ti 35 a tawen.
Gapu iti daytoy, itultuloy dagiti Filipino exporters a mangipakita ti kapasidadda tapno agtultuloy ti panagballigina iti intero a lubong.
Mainaig iti kangatoan a nairekord ti pagilian a merchandise exports, mamati ti Department of Trade and Industry (DTI) a ti international market ket nakasagana para kadagiti Philippine products.
Ti nasao a panagngato ti exports ket indauloan daytoy dagiti electronic products nga addaan ti US $6.20 billion, no sadinno, 68.1% manipud iti pakabukelan nga exports ti pagilian iti bulan ti Agosto ket manipud iti electronic products.
Kabayatanna, ti Estados Unidos ti agtaltalinaed a kadakkelan nga ecport market ti pagilian, no sadinno nakaalada ti US $2.17 billion worth of goods idi Agosto wenno katukad daytoy ti 23.8% ti pakabukelan nga exports ti Pilipinas, sinaruno daytoy dagiti pagilian a Hong Kong, China, Japan ken ti Taiwan.
