LAOAG CITY – Suportado ti Department of Trade and Industry ti pannakaipasdek ti rinibribu nga Electric Vehicle charging stations iti pagilian.
Maysa kadagiti gagem ti ahensia a maipatungpal ti nain-inot a biahe dagiti Pilipino a motorista iti Pilipinas.
Manamnama ti nalawlawa ken maaddaan ti ad-adu a bilang dagiti charging ken battery-swapping stations ket makainot dagiti motorista iti panagbiaheda.
Mainaig daytoy ti panangsuporta ti Department of Trade and Industry iti plano idi nakitaripnong daytoy iti maysa nga Electric Vehicle Brand.
Natalantan ti expansion plans ken regulatory framework a makatulong iti ‘charging’ dagiti ‘electric vehicles’ iti pagilian.
Karaman kadagiti naitampok ket ti e-motorcycle lineup nga Evo, Feliz II ken Viper a compatible iti plano nga ipasdek a 30,000 battery swapping/charging stations iti Pilipinas.
Iti babaen daytoy, mapaalisto ti panagusar ti electric motorcycles kadagiti riders.
