LAOAG CITY – Target ti Philippine automotive manufacturers a makailako ti 500,000 units ita a tawen, nangatngato ngem ti 467,000 units a nailako idi 2024, iti baet dagiti maiparuk-at a baro a modelo ken manamnama pay ti pannakaiyam-ammo dagiti dadduma pay a modelo iti sumaruno a tawen..
Kuna ni Chamber of Automotive Manufacturers in the Philippines Inc. (CAMPI) President Atty. Rommel Gutierrez, agtalek a magun-od da ti target a 500 a ribo nga units ita a 2025.
Inrakurak daytoy ni Gutierrez iti baet ti pannakaiparuk-at ti Chamber of Automotive Manufacturers in the Philippines Inc. joint report iti Truck Manufacturers Association of the Philippines (TMA), a nangipakita nga adda ti 37,604 units a nailako idi Enero ita a tawen.
Nangatngato daytoy iti 10.4% manipod iti 34,060 units a nailako iti isu metlaeng a bolan idi 2024.
Karaman kadagiti nailako ket ti 1,445 units iti hybrid electric vehicles (HEVs), 146 battery electric vehicles (BEVs), ken siyam a plug-in hybrid electric vehicles (PHEVs).
