LAOAGC CITY – Maalarma ni Sen Raffy Tulfo iti kumarkaro a pannakaabuso dagiti Pilipino nga agbirbiruk ti trabaho iti abroad kagiddan iti epekto ti krisis iti Middle East ken job displacement kadagiti OFW.
Iti Senate hearing, inbatad ni Tulfo nga ado a job seeker ti mapilitan a mangawat uray illegal a trabaho gapu ta kasapulan da unay.
Sumagmamano kadagiti kaso nga indasar na ket dagiti babbai a narecruit kas massage therapist iti Malaysia ngem naikabil iti abusado a sitwasyon, karaman dagiti naikari a trabaho iti Japan ken Canada a nagtungpal iti panangallilaw.
Nagpanawagan ti senador ti nadagdagsen a pannusa kontra kadagiti illegal recruiters ken traffickers, gapu ta agtultuloy dagiti kastoy a kaso uray adda ti maipatpatungpal a linteg.
