LAOAG CITY – Naragsak nga inpakaammo ni National President ti Philippine Councilors League Handy Lao a balligi a naiyuswat ti Philippine Councilors League Week.
Segun kenkuana, manipud iti flag raising ceremony agingga a napanda nagmula kadagiti nagduduma a klase ti mula iti Gabu Watch Tower ditoy siudad ti Laoag.
Inbatadna a nangipaayda ti financial ken medical assistance iti maseknan a barangay tapno ad-adda a matagiben dagiti naimula ken matulungan dagiti mangngalap iti nasao a barangay.
Kabayatanna, kuna ni Konsehal Lao nga adda ti naiyuswat a Memorandum of Agreement iti nagbaetan dagiti miembro ti Philippine Councilors League ken ti Philippine Airlines tapno adda ti maawatda a diskuento dagitoy no agluganda ti Philippine Airlines.
Innayonna nga adda ti maysa a tawen iti katulaganda no sadinno a mabalinda ti aglugan iti domestic wenno international flights.
