LAOAG CITY – Inruaren ti Philippine National Police – Civil Security Group ti listaan dagiti maiparit a paputok ken pyrotechnic devices iti panangsarabo ti Baro a tawen.
Iti babaen ti Executive Order No. 28 at Republic Act 7183, sumagmamano kadagiti maiparit a paputok ket ti Watusi, Piccolo, Poppop, Five Star (Big), Pla-Pla, Lolo Thunder, Giant Bawang, Giant Whistle Bomb, Atomic Bomb, ken Atomic Triangle.
Karaman pay ditoy dahiti napipigsa a paputok kas iti Large-size a Judas Belt, Goodbye Delima, Hello Columbia, Goodbye Napoles, Super Yolanda, Mother Rockets, Kwiton, Super Lolo, ken Goodbye Bading, pakairamanan ti Goodbye Philippines, Bin Laden, Coke-in-Can, Pillbox, Kabasi, Special, Kingkong, Tuna, ken Goodbye Chismosa.
Segun iti Civil Security Group, naiget nga ipawilda dagiti papaputok nga addan ti explosive content a nalablabes ngem iti 0.2 grams wenno nasurok a 1/3 teaspoon a pulbura.
Kabayatanna, nagballaag dagiti otoridad iti publiko a siguraduen nga adda sertipikasyon dagiti paggatangan da ti paputok.
