Immadu ti naapit ita a tawen a kape manipud iti coffee plantation ti Provincial Government of Ilocos Norte wenno PGIN idiay Brgy. Saguigui ti ili a Pagudpud.
Inpakaammo ni Mr. Joegie Jimenez, Environmental Program Officer ti Environment and Natural Resources Office wenno ENRO.
Segun kenkuana, nakaburas dagiti Barangay Ranger Officers (BROs) itay napalabas a bulan ti 7.72 kilograms ti Excelsa coffee ken 3.10 kilograms ti Liberica coffee.
Inbunannagna a malaksid iti daytoy ket adda pay ti naiproseso a 5.39 a kilograms ti Excelsa ken 3 a kilograms of Liberica.
Kinunana a dagiti Barangay Ranger Officers (BROs) ti katulungan ti Provincial Government of Ilocos Norte (PGIN) a mangtartaripato iti nasao a plantasyon ti kape.
Inlawlawagna pay a plano a mapasayaat ken mapapintas pay ti nasao a plantasion gapu ta nairugi pay laeng daytoy idi ni Sen. Imee Marcos ti gobernador ti Ilocos Norte.
Imbatadna a pursigido ni Governor Cecilia Araneta Marcos iti tarigagayna a mangipaay ti naan-anay a suporta iti nasao a proyekto.
Mainaig iti daytoy, inpakaammona a maisayangkat ti coffee forum iti umay a bulan babaen iti panangiwanwan ti Department of Trade and Industry para iti ad-adda pay a pannakapasayaat ti industria ti kape ditoy Ilocos Norte.
Innayonna nga iti agdama ket adda pay ti mannarimaan a maipaspasdek a coffee processing building babaen iti Department of Agriculture a nakiddaw pay laeng ni Bise Gob. Matthew Marcos Manotoc ti gobernador ti probinsia pakairamanan ti nursery a pakapataudan dagiti maimula a kape kas paset iti tarigagay ti Provincial Government of Ilocos Norte (PGIN) a mangipalawa iti coffee plantation idiay Pagudpud.
