LAOAG CITY – Agkiddaw ti major funding ti Philippine Olympic Committee (POC) para iti Philippine men’s curling team.
Daytoy ket kageddan iti pannakagun-odda ti nasao a koponan iti kalepleppas nga Asian Winter Games idiay Harbin, China.
Inbatad ni Philippine Olympic Committee President Abraham Tolentino, kasaritana ni Presidente Ferdinand Marcos Jr. seknan iti panangkiddawda ti nasao a pundo.
Inlawlawagna a bukud a kuarta ti gasgastosen dagiti nasao nga atleta isu a napateg ti pannakaipaay ti tulong pinansial manipud iti gobierno.
Kunana a saan nga umdas ti P2-milyon a a maala dagiti curling team nga isuda Marc ken Enrico Pfister, Christian Haller, Allen Frei ken Benjo Delamente manipud iti insentibo ti gobierno.
