LAOAG CITY – Nagpalagip manen ni Dr. Rickson Balalio, ti mangidadaulo iti Provincial Health Office kontra kadagiti sakit a possible a maala gapu iti nalamiis a paniempo, kas ti uyek, panateng ken dadduma pay.
Inbalakad na iti publiko a ti kasayaatan nga aramiden ket masapol a papigsaen ti resistensya kas ti panagipauneg kadagiti nasustansya a makan, uminom ti ado a danom ken ugalien ti ag-ehersisyo.
Mainaig iti daytoy, kuna ni Balalio a gapu kadagiti naruay a taraon a naipapauneg iti napalabas nga holiday season ket masapol a rugian manen nga obserbaren ti healthy lifestyle.
