LAOAG CITY – Iti tulong ti maysa a diving expert, naartapan ti Canadian photographer a ni Steven Haining ken model a ni Ciara Antoski ti bukudda a Guinness World Record kalpasan a nangisayangkatda ti photoshoot iti uneg ti 163.38 feet underwater nga asideg idiay Florida.
Immunan a nakaaramid da Haining ken Antoski ti rekord idi 2021 para iti titulo a “Deepest underwater model photo shoot” iti uneg a 21 a kadapan.
Iti kalikagumda a maartapan ti bukudda a rekord, dimmalanda ti sumagmamano a bulan ti naiget a panagsanay pakairamanan ti technical diving, gas blending ken decompression techniques.
Ti naisangsangayan a photoshoot ket naiyuswat iti Hydro Atlantic shipwreck iti kabaybayan nga asideg iti Boca Raton no sadinno a Haining ti nangala ti ladawan idinto a ni Antoski met ti nagserbi kas modelo.
Iti tulong ni Wayne Fryman, maysa nga eksperto iti diving, natalged ken naballigi nga inyuswat ti photoshoot iti uneg ti baybay.
