LAOAG CITY – Immapela ti Philippines Olympic Committee (POC) ti desision ti Thailand a mangikkat iti weightlifting, wushu, jiu-jitsu, ken karate iti 2025 Southeast Asian Games.
Dagitoy nga isports ti nangted iti walo a balitok a medalya ti Pilipinas iti naudi a 2023 SEA Games a naangay Idiay Cambodia.
Segun ken ni Philippines Olympic Committee President Abraham “Bambol” Tolentino, naaramid ti apela iti panagtataripnong ti SEA Games Federation idiay Bangkok, ken sinuportaran daytoy ti kaaduan a game mebers.
Segun iti Chief Official, plano ti Thailand nga itampok laeng ti 40 nga sports iti umay a SEA Games 2025.
Kabayatanna, dagiti atleta a kas kada Kaila Napolis, Annie Ramirez, Marc Lim, Agatha Wong, Jamie Lim, Sakura Alforte, Elreen Ando, ken Vanessa Sarno ti nangted ti balitok a medalya iti pagilian iti nadakamat nga sports.
