LAOAG CITY – Saanen a kasapulan pay a dumalan iti baro a quarantine ditoy Pilipinas ti 38 a Filipino crew members ti cruise ship nga MV Hondius kalpasan a nakumpletoda ti 42-day quarantine idiay Netherlands, basar iti Department of Health (DOH).
Inbatad ni Health Secretary Teodoro Herbosa nga umdasen ti nasao a quarantine period tapno masigurado a saan a naakaran ti hantavirus dagiti Pilipino a seafarers.
Basar kadagiti eksperto, ti hantavirus ket maiyakar iti babaen ti nabayag a close contact iti infected individual ken exposure iti katay, isbo weno rugit ti infected rodents.
Nakitaripnong pay ni Herbosa ken ni Dutch Health Minister Sophie Hermans tapno talantanen ti situasion dagiti Filipino seafarers.
