LAOAG CITY – Naawanan ti namnama ti Philippine football team iti semifinals ti regional tournament kalpasan ti pannakaabakda iti Malaysia, 1-0, iti final group stage match iti ASEAN Championship idiay Kuala Lumpur.,
Naipastrek ni G. Pavithran ti nasapa a goal para iti Malaysia iti paset ti maika-16 a minuto ti ay-ayam a rason ti panagabante ti team-da.
Malaksid iti daytoy, dinominar ti Malaysia ti possesion, 59%-41%, ken nakaaramidda ti ad-adu a blocked shots, 3-1.
Gapu iti daytoy, nagleppasen ti kampanya ti Pilipno sadinno ket nakaaramidda ti stats a 4-1 vctory kontra iti Laos, ken tallo a pannakaabakda kontra iti Myanmar (4-1), Thailand (1-0) ken Malaysia.
