LAOAG CITY – Nagun-od ti gobierno nasional ti $600-M a grant assistance manipud idiay Estados Unidos tapno pundoan ti health project a nakapokus iti disease surveillance, outbreak ken response.
Basar iti Department of Finance (DOF) ti grant ket katukad ti P36.95 billion a mangsuporta ti Strategic Objective Agreement (SOAG) for Integrated and Sustainable Health Systems ti Department of Health (DOH).
Iti babaen ti katulagan, mangipatakder ti maysa nga integrated, sustainable, resilient ken self-reliant health system tapno mapapigsa ti kapasidad ti pagilian iti existing ken emerging infectious disease threats.
Gagem ti programa a mangsuporta iti priority health initiatives kas ti human immunodeficiency virus, tuberculosis, neglected tropical diseases ken maternal, newborn ken child health.
Agpokus daytoy iti tallo a key areas pakairamanan ti strengthening disease surveillance, detection and outbreak response; integrating health service delivery across disease programs; ken improving the country’s domestic capacity to finance and manage the health sector.
Kabayatanna, kas grant ti assistance ket awan ti obligasion ti nasional a gobierno a bayadan ti pundo.
