LAOAG CITY – Napadayawan ti Pilipinas kas world’s top retirement destination para ita a 2026 ti Expatriate Group a maysa nga international health insurance provider nga agserserbi kadagiti expatriates ken retirees iti sumurok 180 a pagilian.
Basar iti Retirement Abroad Index 2026 ti Expatriate Group, iti score a 78 out of 100, ti Pilipinas ti immuna iti listaan kadagiti pagilian iti intero a lubong no sadinno a kapintasan a pagturongan tapno agretiro ita a tawen.
Nadakamat nga inranggo ti index ti world’s most retiree-friendly countries basar iti healthcare quality, visa accessibility, health insurance requirements, cost of living, expat community, ken integration daytoy.
Basar iti Expatriate Group, nagbalin a napigsa ti performance ti Pilipinas maidasig iti 19 pay a pagilian a nakabinnalubalna maipapan tii affordability ken visa accessibility a nanayonan pay ti napigsa a ‘private healthcare sector’ daytoy a mangididiaya ti reassurance para kadagiti retirees.
Sinaruno iti Pilipinas ti Thailand a nakagun-od ti score a 77 a sinaruno ti Colombia iti puntos a 73.
Immunan a nabigbig ti Pilipinas kas Best Retirement Destination iti Asya iti 2025 TripZilla Excellence Awards.
