LAOAG CITY – Napaay nga umabante iti finals ti women’s 50 kgs. boxing ti Pinay boxer a ni Aira Villegas iti agtultuloy a Paris Olympics 2024.
Daytoy ket kalpasan nga a naabak ni Villegas kontra ken ni Buse Naz Cakiroglu ti Turkey babaen iti unanimous decision.
Kayatna a sawen a bronze medal laeng ti nagun-od ni Villegas.
Mainaig iti daytoy, idi nagrugi ti laban ket nagdominaren ni Cakiroglu.
Nupay kasta, pinadas ni Villegas ti makakamat no sadinno a apagapaman a napagsakna ni Cakiroglu ngem alisto a nakatakder ti Turkish boxer.
Inadmitir ni Villegas a napigsa ti kalabanna ken inpasiguradona a makabangon iti sumaruno nga international boxing events.
