LAOAG CITY – Plano ni retired Pinoy boxing champion Manny Pacquiao a makasango iti exhibition fight ni Shakur Stevenson ti Estados Unidos.
Basar iti kampo ti boxing champ a target da a maipatungpal ti laban iti katapusan ti agdama a tawen.
Ti panangpili ni Pacquiao iti agtawen ti 29 a boksingero ket kalpasan ti saan a natuloy a rematch na ken ni Floyd Mayweather.
Ni Stevenson ket addaan ti 25 a panangabak ken awan pay ti pannakaabak ken addaan ti 11 a knockouts no sadinno a karaman daytoy iti top five pound-for-pound boxer.
Nagun-od na ti WBO junior welterweight title kalpasan nga inabak na ni Teofimo Lopez iti New York.
Nagbalin pay a silver medalist ni Stevenson iti naglabas a 2016 Rio Olympics.
Kabayatanna, ni Pacquiao ket addaan ti 62 a panangabak, walo a pannakaabak ken tallo a draw nga addaan ti 39 a knockouts.
