LAOAG CITY – Umabot iti pito a barbero ti natay kalpasan ti iraraot dagiti armado a lallaki iti southwestern Pakistan.
Napasamak ti insidente iti asideg ti ciudad ti Gwadar iti probinsya ti Baluchistan.
Naamoan a dagiti biktima ket agpapada a taga probinsya ti Punjab ngem napan da nagtrabaho iti probinsya ti Baluchistan kas barber.
Kinondenar ni Provincial Interior Minister Ziaullah Langau ti pannakapapatay dagiti barber ken inmandar na kadagiti otoridad ti panangimbestigar da a naimbag daytoy a pasamak ken duktalen da no siasinno ti adda iti likudan ti insidente.
Agpapan ita ket awan pay ti grupo a nangadmitir iti nasao a pasamak ngem ti separatists ti masansan nga agisaksakanp ti kinadamsak iti nadakamat a lugar kas paset ti kampanya da a mangpwersa a mangpapanaw kadagiti mangmangged iti nadakamat a probinsya.
