LAOAG CITY – Inpakaammo ni Mrs. Perlita Cabello iti City Social Welfare and Development ditoy siudad ti Laoag nga adda ti pito a senior citizens dagiti nakaawat ti 100,000 a pisos idi 2022.
Kuna na a daytoy ket paset pay laeng ti programa ti lokal a gobierno a panangipaay ti milestone award kadagiti centenarians.
Mainaig iti daytoy, inpakaammo ni Cabello nga ita a bulan ti Enero ket addan ti umuna a nakaawat ti 100,00 a ribo a pisos ken residente iti Brgy. 51-A ditoy siudad.
Inbatad na nga adda pay ti nagaplikar para iti nasao nga insentibo ken manamnanam a makaawat dagitoy intuno Abril wenno Mayo.
Innyun ni Cabello nga ita a tawen ket adda ti nakasagana a 1.6 a milyon a pisos a pondo para iti nasao a programa.
