LAOAG CITY – Nareliboan ti maysa nga opisyal ti Ilocos Norte Police Provincial Office kalpasan a maigarup a namagsasao ken nangdangran kadagiti police officer iti ili ti Bacarra.
Binigbig ni PLt. Col. Randy Baoit, ti Deputy Provincial Director for Administration ti Ilocos Norte Police Provincial Office ti opisyal a ni Police Major Vencioly Luzano, command officer ti 1st Provincial Mobile Force Company (PMFC).
Kuna ni Baoit a ti nasao nga insidente ket napasamak iti protect box iti ili ti Bacarra nu sadino a dua agingga iti tallo a police personel dagiti mapapati a nadangran.
Mainaig iti daytoy, inpalgak ni PMaj. Reginaldo Dalipias Jr., acting chief iti Provincial Administrative Management Unit nga apaman a naamwan daytoy iti Ilocos Norte Police Provincial Office ket sigud nga ada ti naiparuk-at a mandar seknan iti panakaikkat ni Luzano iti agdama a posisyon na ditoy probinsya ken naiyakar iti sabali a lugar.
Kabayatanna, naibilin met iti PNP Bacarra a mangipasa iti listaan dagiti pulis a posible a karaman iti insidente karaman ti statement dagitoy.
Immuna iti daytoy, kuna ni Baoit a maipagarup nga ada iti impluwensiya ti nasanger ni Luzano idi napasamak iti incidente.
Maisayangkat met ti naun-uneg nga imbestigasyon mainaig iti daytoy a pasamak pakairamanan iti panakauray ti official statement ni Luzano.
