LAOAG CITY – Inbatad ni Police Chief Master Sergeant Eric Bumagat, ti mangidadaulo ti PNP-Traffic Division ditoy ciudad ti Laoag nga addan ti estratehiya nga ar-aramiden da pakaseknan iti maipagarop nga agtultuloy a pannakaiyuswat ti lumba dagiti motorsiklo nangruna iti malem iti bypass.
Nupay kasta, saanen nga indetalye pay ni Bumagat no anya ti ar-aramiden da nga estratehiya tapno saan a maamoan dagiti mangiyus-uswat iti daytoy.
Segun kenni Bumagat, naipadanonen daytoy kenkuana ken iti kada malem ket adda ti agpatrolya a kameng ti PNP ngem awan dagiti matiliwan da ken no dadduma ket agtataray dagitoy.
Kinumpirmaran na a saan laeng a dagiti residnete ditoy ciudad ti Laoag ti mangiyus-uswat iti nasao a panaglulumba no diket uray dagiti nagapo iti sabali [ay nga ili.
Kabayatanna, kinarit ni Bumagat dagiti barangay officials a tumulong iti panangsita kadagiti aglulumba.
