LAOAG CITY – Inrakurak ni Philippine National Police (PNP) chief Gen. Jose Melencio Nartatez Jr. nga awan ti beripikado nga impormasion a mangipakpakita ti seryoso ken dandani a pangta ti kudeta wenno panagikkat iti suporta ti militar kontra ken ni Presidente Ferdinand Marcos Jr.
Nupay kasta, pagtalinaeden ti nailian a pulisia ti naig-iget nga alerto.
Kunana nga awan ti nakita a pagibasaran tapno maalarma ti publiko iti maipagarup a pananggandat a panangpadisi iti Presidente.
Gapu iti kinaawan ti konkreto nga ebidensia, kitkitaen ti Philippine National Police dagiti maipagarup a pangta kas “rumors” wenno tsismis.
Inaramid ti Philippine National Police Chief ti rakurak kalpasan nga inbatad ni Senate President Pro Tempore Panfilo Lacson nga adda ti sumagmamano a retirado a military officers a maipagarup nga agplanplano nga ag-recruit dagiti miembro ti uniformed service.
Iti baet daytoy, inpetteng ni Gen. Nartatez a ti kinapudno dagitoy ket iti Konstitusion ken kadagiti Pilipino, saan nga iti aniaman a political faction.
Kunana nga agtalinaedda a propesional ken nakapokus iti pammilin kadakuada iti pananglapped kadagiti krimen.
Innayonna nga agpada nga agtaltalinaed a committed ti pulisia ken militar iti chain of command ken iti kinatibker ti administrasion.
