LAOAG CITY – Manamnama ti ibibisita ni PNP Chief Police Director General Oscar Albayalde ditoy probinsya intono bigat.
Basar ti Camp Captan Valentin S. Juan, gagem ti panagbisita ni Albayalde ditoy probinsya tapno makataripnong kadagiti opisyales PNP-Ilocos Norte.
Daytoy ket pakaseknan pay laeng ti preparasyon ti Philippine National Police (PNP) mainaig iti panangrugi ti campaign period para kadagiti lokal a kandidato.
Naamoan a kabayatan ti kaadda ni Albayalde ditoy probinsya ket adda ti maiyuswat a press conference nga atendaran dagiti kameng ti media.
Agpapan maisursurat ti damag ket adda ni Albayalde idiay probinsya ti Abra.
