LAOAG CITY – Inbilin ni Philippine National Police Chief General Jose Melencio Nartatez Jr. ti amin a police units para iti nasapa a panagsagsagana para iti panangrugi ti panagtutudo.
Inbatad ni Nartatez a manarimaan ti pannakikoordinar dagiti police unit kadagiti lugar a prone iti layos ken landslide kadagiti ocal disaster council para iti panagplano ti preemptive evacuation, traffic management ken rescue operations.
Immunan nga inrakurak ti Philippine Atmospheric, Geophysical and Astronomical Services Administration (PAGASA) a mabalin a mangrugi ti panagtutudo iti maudi a lawas ti Mayo wenno umuna a lawas ti Hunio.
Nagpalagip ni Nartatez kadagiti amin a commander a mangiwayat ti inspeksion kadagiti rescue equipment, agsagana ti deployment teams ken pagtalinaeden ti kinasagana 24/7 tapno tumulong iti rescue, evacuation ken humanitarian operations.
Inallukoyna pay dagiti residente a maapektaran nga agtalinaed nga alerto ken ag-monitor kadagiti abiso ti PAGASA ken kadagiti lokal nga otoridad.
