LAOAG CITY – Marigatan ti PNP Paoay a mangsolbar iti pannakapapatay ni Mr. Froilander ‘Lander’ Agdeppa, presidente ti discolandia iti Brgy. 1 ditoy siudad ti Laoag ken tubo iti ili ti Sinait, Ilocos Sur.
Daytoy ti inpakaammo ni Police Major Eddie Suyat hepe iti nasao nga ili.
Kuna na nga awan ti maiyestablisar da a witness seknan ti pannakapapatay ni Agdeppa.
Nupay kasta, agtultuloy latta ti panagkalap da ti impormasyon tapnu maikkan da ti paglawlawagan ti pannakapapatay ni Agdeppa iti ili ti paoay.
Inbunannag ni Suyat a nakikoordinar da iti Sinait Municipal Police Station mainaig iti panagpaidasig kas mayor ti biktima idi 2019 eleksyon ngem naabak daytoy, no sadinno a nagpila ni Agdeppa ti kaso a graft and corruption kontra ti dati a mayor iti nadakamat nga ili.
Idi Abril 22 ita a tawen, napalto-paltogan ni Agdeppa bayat iti panagjog walk na iti paset Brgy. Suba babaen kadagiti saan a nabigbig a suspek a nakalugan ti motorsiklo ken nakakotse.
Nakarekobre dagiti otoridad iti nakapasamakan ti pammaltog ti 25 a piraso a kapsula ti kalibre 45 ken 45 a piraso a kapsula ti 5.56mm a bala para iti M-16 rifle.
