LAOAG CITY – Nakaragsakan dagiti economic manager ti administrasion Marcos ti pannakaipawil iti Philippine Offshore Gaming Operations kagiddan ti rakurak ni Presidente Ferdinand Marcos Jr. iti State of the Nation Address wenno SONA-na.
Ti rakurak ti Presidente ket kalpasan a nairaman dagiti Philippine Offshore Gaming Operations kadagiti nagduduma nga iligal nga aktibidad no sadinno ket nangipeksa ti suporta ni Trade Secretary Alfredo Pascual iti direktiba ni Pres. Marcos.
Kuna ti sekretario a ti Philippine Offshore Gaming Operations ban ket mabalin a makaallukoy ti panagpuunan nangruna para iti benneg ti turismo.
Dinakamat ti opisial a mabalin nga aramiden ti ad-adda pay a makagutigot iti pagilian kadagiti agbirbiruk ti ayuyan gapu ta ti Philippine Offshore Gaming Operations ket mangitunda ti dakes nga impresyon nga agresulta iti kinaranggas.
Inlawlawagna a misteryoso ti ar-aramiden ti Philippine Offshore Gaming Operations.
Mamati met ni Special Assistant to the President for Investment and Economic Affairs Secretary Frederick Go a ti agdama nga investment prospect ket saan a maapektaran iti panangipawil ti Philippine Offshore Gaming Operations.
Innayon ni Go a ti panangipawil ket mangipakpakita a ti administrasion Marcos ket manngipasimudaag ti negosio ken mabalin nga agbalin nga epektibo a pakabenepisiaran ti pagilian tapno makaala ti ad-adu pay nga investments.
