LAOAG CITY – Umaboten iti siam ti nairekord ti Police Provincial Office a Vehicular Incidents sipud idi Enero 1 agingga 18, 2025.
Segun ken ni P/Maj. Sheryll Guzman ti spokesperson Ilocos Norte Police Provincial Office (INPPO), nangatngato daytoy a bilang no idasig idi napan a tawen.
Kunana a kaadwan ket human error a kas iti napasamak iti ili ti Pasuquin, Paoay ken Batac.
Malaksid iti daytoy, kadawyan pay a nakapasamakan ti insidente ket kadagiti national high way.
Kabayatanna, pinalagipan ni Guzman ti publiko a taginayunen latta ti agusar ti helmet ken dadduma pay a safe gears nangruna no agmotmotor tapno maliklikan ti aniaman nga insidente a mabalin a makaitunda ti ipapatay.
