LAOAG CITY – Kinumpirmaran ni Mr. Ronald Estavillo, Airport Manager ti Laoag International Airport (LIA) ditoy ciudad ti Laoag nga awan pay ti pondo a kiniddaw da iti Civil Aviation Authority of the Philippines (CAAP).
Inlawlawag na a ti nasao a pondo ket pagpatarimaan da iti naitayab a bubungan ti Administration Building iti nasao nga eropuerto.
Inbatad ni Estavillo a naitayab ti bubungan ti nasao a pasdek iti iduduprak ti bagyo Ompong.
Segun kenkuana, kalpasan ti bagyo ket nagkiddaw da a dagus ti pondo ngem agpapan ita ket awan pay ti nauray da.
