LAOAG CITY – Balligi nga insayangkat ti Population Development Office ditoy ciudad ti Laoag ti Pop quiz kas paset ti Division Festival of Talents 2025.
Daytoy ti inpakaammo ni Miss Janet Cony Retamal, ti mangidadaulo iti Population Development Office ditoy ciudad ti Laoag.
Kunana a ti nasao nga aktibidad ket nagbinnuligan iti opisina da ken iti Department of Education iti ciudad.
Segun ken ni Retamal, ti nasao a Pop Quiz ket naiwayat iti napalabas a bolan iti Ilocos Norte College and Trade (INCAT), ken adda ti 30 nga estudyante iti sekondarya ken 11 nga elementary a nakipaset iti daytoy.
Inpakaammo ni Retamal a karaman kadagiti naipalaon iti Pop Quiz ket ti pakasaritaan ti pagilian, extemporaneous speaking ken social issues.
Innayon na a gagem ti nasao a Pop Quiz a makita ti kinasirib dagiti ubbing iti nagduduma a banag a makatulong iti panagdakkel da.
Mainaig iti daytoy, kuna ni Retamal a dagiti nangabak ket nakaawat ti cash prize ken sertipikasyon.
