LAOAG CITY – Inapakaammo ni Mr. Victor Dabalos, iti biang ti Department of Environment and National Resources Office ditoy probinsia, ti makitada a rason ti panagadu ti ngilaw iti ili ti Paoay, partikular kadgiti pasdek negosio ken pagtaengan ket gapuiti maysa a poultry farm.
Segun kenkuana, nabagaan dagiti poultry operators a nasekn a mai-eradicate nga ummuna dagiti ngilaw wenno matay sakbay ti operasionda uray iti paniempo ti panagharvest.
Nupay kasta, nangipatulodan ti report iti regional office no sadinno maur-uray ti pannakaited ti notice of violation.
Kinunana a maika-dua a daras a naballaagan ti nadakamat a poutry farm ken no saanda pay daytoy nga urnosen ket posible a mapatawanda ti nadagdagsen a pannusa.
Immunan iti daytoy, napan bimmisita ti Sangguniang Bayan iti nadakamat nga ili kadagiti pagtaengan ken pasdek negosio no sadinno nga adu ti reklamo maipapan iti naruay a ngilaw rason a pagtaltalawan dagiti kustomer Kabayatanna, nagapalagip ni Dabalos kadagiti agopoperar ti poultry farm a suruten dagiti pagannuratan ken pagtalinaeden a nadalos iti aglawlaw tapnu maliklikan ti nadakamat nga isyu.
