LAOAG CITY – Nangrugin ti Summer Program ti lokal a gobierno ditoy siudad ti Laoag.
Segun ken ni Mrs. Mary Jane Leaño, Officer In Charge ti City Tourism Office ditoy siudad ti Laoag, ditoy a dumalan dagiti ubbing ti training ken pannakaisuro kadakuada dagiti kangrunaan nga sports, panangusar ti musical instruments, panagkanta, panagluto ken nagdumaduma pay tapno ma-develop wenno ad-adda pay a maasa ti talento ken kapabilidad dagiti makipaset.
Agpaut ti 20 nga aldaw a mangrugi iti daytoy a lawas a programa ti lokal a gobierno ditoy siudad ti Laoag babaen ti City Tourism Office ken Community Affairs Office.
Agkakalaing a coaches ken trainers ti mangbayabay kadakuada kas ken ni Mr. Christian Mark Espiritu, ti mangpatpatanur kadagiti agkakalaing a gymnasts iti siudad.
Paset daytoy ti kalikagum ni Mayor James Bryan Alcid nga agbalin nga aktibo dagiti agtutubo ken adu ti masursuroda ita a summer season.
