LAOAG CITY –Pormalen a nangrugi ita a Hunio 18 ti pre-trial conference para iti impeachment trial ni Vice President Sara Duterte iti Senado.
Immatendar iti panagtalantan dagiti miembro ti defense team ni Duterte ken House prosecution panel, malaksid ken ni Dinagat Islands Representative Kaka Bag-Ao a saan nga immatendar.
Ti pre-trial conference ti immuna a pormal a panagtalantan ti depensa ken prosekusion sakbay ti panaguummong ti Senate impeachment court inton Hulio 6.
Daytoy ket kalpasan ti pannakaresolbar ti rirbok iti liderato ti Senado iti pannakadutok ni Senator Sherwin Gatchalian kas baro a Senate president.
