LAOAG CITY – Kiniddaw ti Office of the Ombudsman iti Sandiganbayan a mangiparuk-at ti precautionary hold departure order kontra kada Senador Rodante Marcoleta, dati nga Anakalusugan party-list Rep. Mike Defensor, ken dua a negosyante mainaig iti maipagarop a P75 million campaign donation para iti kandidatura ni Marcoleta iti 2025 elections.
Basar iti rekomendasyon dagiti field investigator ti Ombudsman, masapol a mapilaan ti kaso a plunder ken indirect bribery da Marcoleta, Defensor, negosyante a ni Joseph Varias Espiritu, ken Aristotle Baluyut Viray.
Inbatad dagiti imbestigador a maipagarop nga inawat ni Marcoleta ti pakabuklan a P75 million campaign donations iti tallo a nagsisina nga aldaw a maibilang kas regalo a possible a sumrek iti kaso a plunder iti babaen ti anti-graft laws.
Naamoan a naisumitiren iti Seventh Division ti Sandiganbayan ti kiddaw ti Ombudsman ita nga aldaw ti Lunes, Mayo 25.
