LAOAG CITY – Kinontra ti Malakanyang ti rakurak ni Vice President Sara Duterte a posible a ma-impeach ni Presidente Ferdinand Marcos Jr. gapu iti pannakaarestar ni dati a Presidente Rodrigo Duterte.
Segun ken ni Palace Press Officer Atty. Claire Castro, awan ti nangibasar ni Vice President Sara nga impeachable offense ti inaramid ni Presidente Marcos iti dati a Presidente ken maikanniwas iti Konstitusion.
Inpetteng ni Castro a sinurot ti gobierno ti proseso iti pannakitinnulong iti Interpol ken daytoy ket maiyataday iti linteg gapu ta ti dati a Presidente ket akusado ken suspek iti crimes against humanity kangrunaanna ti murder.
Inlawlawagna a saan a panagsuko ti soberania ti inaramid ti gobierno no diket panangisuko ti maysa nga akusado.
