LAOAG CITY – Indaulwan ni Presidente Ferdinand Marcos Jr., ti selebrasyon ti maika- 61 a founding anniversary ti Special Forces Regiment Airborne (SFRA) ti Philippine Army ita nga aldaw, Hunyo 25 a naiyuswat iti Fort Magsaysay sa Palayan City, Nueva Ecija.
Ti selebrasyon ket addaan ti tema nga ‘SFRA: Competent, Resilient, and Effective Special Operations Forces (SOF).’
Binuya ti presidente ti maysa nga audio-visual presentation nga insagana ti Special Forces Regiment Airborne ken inpaayan na ti pammadayaw dagiti combat awardees, unit awardees, ken civilian and government official awardees.
Naipaayan ti Special Forces Regiment Airborne ti Army Governance Pathway Proficient Status nga addaan ti Gold Trailblazer manipod iti Commander-in-Chief, karaman ni Armed Forces of the Philippines (AFP) Chief of Staff General Andres Centino gapu iti panangipakpakita da ti kultura ti napintas a panangiwanwan ken kinalaing da a nagakem.
Inawat met ni Special Forces Regiment Commander Brigadier General Ferdinand Napuli ti nasao a pammadayaw.
Naamoan a nakanselar ti capability display a panangipakita koma ti Military Free Fall (MFF) ken maysa nga hostage situation scenario.
Iti panagbitla ni Presidente Marcos, binigbig na ti kinatibker dagiti kameng ti Special Forces a nangidedikar iti biagda iti serbisio publiko.
Kinablaawan pay ni Marcos dagiti awardees gapu iti “exemplary performance” ken kontribusyon da iti rehimen.
Ti Special Forces Regiment Airborne ket maysa kadagiti elite forces ti Philippine Army nga immuna nga indauluan ti kapitan idi a ni dati a Presidente Fidel Valdez Ramos.
