LAOAG CITY – Adda ti prinsipyo ni bise presidente Sara Duterte kadagiti ib-ibbatan na a sarita.
Daytoy ti inbatad ni Presidente Ferdinand Marcos Jr. iti pannakasaludsod kenkuana ti takder na iti panagikkat ni Duterte iti Lakas-CMD partylist ken kabayatan ti press conference iti naiyuswat a presentasyon ti 160 MW windfarm iti ili ti Pagudpud.
Segun ken ni Marcos, pudno nga ado dagiti pakakumikoman ni Duterte ken masapol ti naan-anay a konsentrasyon na iti daytoy kangrunaan iti posisyon na kas secretary ti Department of Education.
Inbatad na a maawatan na ti nagbalin a takder ni Duterte pakaseknan iti panagikkat na iti Lakas-CMD tapno maileppas na dagiti importante ken kasapulan a matratar.
Kunana a mamati a malpas dagiti napapateg nga asikasuen ti bise presidente.
Maipalagip nga inrakurak ni Duterte ti panagikkat na kas miembro iti Lakas-CMD ngem saan na a dinakamat no anya ti rason.
