LAOAG CITY – Inkiddaw ti Presidente ti Tricycle Operators and Drivers Association iti ili ti Pinili iti pannakaipangato ti plete.
Segun ken ni Vice Mayor Maynard Francis Bumanglag iti nasao nga ili, daytoy ket kalpasan ti epekto ti mapaspasaran nga oil crisis ditoy pagilian gubuay iti gubat idiay Middle East.
Inbatadna a maawatanda ti agdama a situasion dagitoy ngem kasapulan pay laeng ti pannakatratar daytoy.
Kunana nga iti agdama ket manarimaan ti panangtingiting daytoy a banag iti committee levels.
Inlawlawagna nga apaman nga addanton ti mapagtutulagan ket insigida a mapakaammoan ti amin kangrunaan dagiti maseknan a tricycle drivers iti nasao nga ili.
Innayonna nga ar-aramidenda ti amin tapno matulungan dagiti tricycle driver pakairamanan dagiti mannalon iti ili ti Pinili.
