LAOAG CITY -Manamnama ti panagngato ti presio ti diesel ken gasolina inton sumaruno a lawas gapu iti panagngato ti gobal oil prices, segun iti maysa nga oil industry source.
Basar iti Mean of Platts Singapore (MOPS) prices ken foreign exchange rates manipud Agosto 10 agingga 13, posible ti panagngato ti presio ti:
Diesel: P3.75 agingga P4.25 kada litro
Gasolina: P2.50 agingga P3.00 kada litro
Segun iti industry source, nakaapektar ti panagngato ti presio ti langis ti panagkapsot ti namnama iti posibilidad ti peace deal ken ti panagadda ti shipping traffic iti Strait of Hormuz.
Malaksid iti daytoy, agtultuloy met a makaapapektar iti presio ti diesel ti supply risks idiay Middle East ken ti limitado nga exports manipud Russia.
