LAOAG CITY – Inbatad ti Department of Agriculture a ti average ti farm gate a presyo ti irik ket agtultuloy a ngumatngato kadagiti bulan kalpasan ti desisyon ni Presidente Ferdinand Marcos Jr. a masuspenso ti panagangkat ti bagas manipud Setyembre agingga Disiembre iti napalabasa tawen.
Nangipakita daytoy ti naig-iget a kondision ti domestic supply ken napasayaat a bargaining power para kadagiti mannalon.
Segun iti Philippine Statistics Authority (PSA) nagtalinaed a napigsa ti presyo ti farm gate ti irik idi 2023 ken ngimmato pay idi dry season ti 2023-2024 nga immabot ti P22 kada kilo ken ngimmato pay iti agingga P25 kada kilo iti sumagmamano a bulan.
Kalpasan ti panagpababa ti taripa ti bagas manipud 35 a porsiyento agingga ti 15 a porsiyento iti naudi a quarter ti 2024 ket ngimmato ti dakkel a bulto ti panag-import ti bagas a nagresulta ti adu a suplay ti domestic.
