LAOAG CITY – Posible a bumaba ti produksion ti irik kagiddan ti panagbaba ti suplay ti danom ditoy siudad ti Laoag.
Segun ken ni City Agriculturist Engr. Shiela Opelac, sumagmamano kadagiti mannalon ket saan unay a nagmula ti natnateng ken dagiti produkto agrikultura a saan unay nga agkasapulan ti panagpadanom kas ti mais.
Inbatadna a saan met a dumanon ti gundaway a masapol pay a mangala ti suplay kadagiti produkto agrikultura kadagiti dadduma a lugar wenno kaparanget a probinsia gapu ta adda met dagiti dadduma pay nga ili nga isu ti mabalin a mangsupusop dagiti pagkurangan ditoy siudad no bilang man kumaro ti situasion.
Innayonna a bimmassit ti nagmula kabayatan ti dry season ditoy suidad gubuay iti epekto ti El Niño phenomenon no sadino adda pay ti nagbalbaliw ti inmulada kas ti balatong ken mais a bassit laeng ti kasapulan daytoy a danom maidasig iti panagmula ti pagay.
Maipalagip nga adda dagiti sumagmamano a mannalon ti makapaspasar ti panagrigat ti panagmula iti kataltalon gapu iti kinakurang ti danom a mausar dagitoy.
