LAOAG CITY – Inlawlawag ni Sangguniang Panlungsod Member Jeff Fariñas, chairman ti committee on appropriations, a saan a mapagsasaritaan ti propose budget ditoy siudad ti Laoag no saan a maaprobaran ti Annual Investment Plan (AIP).
Segun kenkuana, adda ti saan a panagkikinnaawatan iti interpretasion ti Sangguniang Panlalawigan ken ti Local Finance Committee ti siudad mainaig iti klasipikasion ti budget maipapan iti capital outlay ken Maintenance and Other Operating Expenses (MOOE), a rason no apay a saan nga inaprobaran ti Sangguniang Panlalawigan ti Annual Investment Plan ti siudad.
Nupay kasta, naammoan nga inlaban ti Local Finance Committee ti takderda mainaig iti nasao nga isyu ket inlawlawagda iti Sangguniang Panlungsod ti nakaibasaranda manipud iti Budget Manual.
Kabayatanna, mangnamnama ni Fariñas nga apaman a maaprobaran ti Annual Investment Plan, mapagsasaritaan nga insigida ti budget tapnu maisayangkat ti budget deliberation.
