LAOAG CITY – Naikeddeng a talantanen ti House of Representatives iti gakat ti P7.2 trillion a national budget para iti tawen ti 2027.
Kinumpirmaran daytoy ni Manila Representative Bienvenido Abante Jr. nga inkeddeng ti Nueva Ecija Rep. Michaela Suansing, chairman ti House Committee on Appropriation inton Lunes, Agosto 17 ti pagnagtratar.
Naammoan nga umabot ti maysa a lawas manipud idi insubmitir ni Budget Secretary Kim Robert De Leon ti gakat ti budget iti House of Representatives idi Martes, Agosto 11.
Iti nasao nga outlay ket naipresentar kadagiti opisial ti House of Representatives nga indauloan ni Speaker Faustino Dy III ken Majority Leader Ferdinand Alexander “Sandro” Marcos ti Ilocos Norte.
Mangrugi ti deliberasion ti briefing ti Development Budget Coordination Committee (DBCC) mainaig iti pangalan ti financing, expenditure levels ken budget proposals dagiti department, ahensia ken government owned and controlled corporation (GOCC).
Ti Development Budget Coordination Committee (DBCC) ket pakabuklan ti Department of Finance, Bangko Sentral ng Pilipinas, Department of Budget Management (DBM) ken Department of Economy, Planning and Development (DEPDev).
Inpasigurado ni Abante a ti proseso ti budget ti agbalin a transparent ken rumbeng a maamoan ti publiko.
Basar iti Department of Budget Management (DBM) nga adda kadakkelan nga alokasion ti gakat ti 2027 budget ket ti Department of Education nga addaan ti P976 billion, sinaruno daytoy ti Department of Public Works and Highways (DPWH) nga aggatad ti P644 billion pakairamanan ti P100 billion para iti flood control, Department of Health (DOH) ken Philhealth nga addaan ti P353 billion, Department of National Defense (DND) nga addan ti 328.8 billion, Transport sector nga addan ti 302.2 billion, Department of Agriculture (DA) nga addaan ti P261.7 billion, Department of Social Welfare and Development (DSWD) nga addaan ti P241.1 billion, State Universities ken College nga addaan ti P176.5 billion ken Judiciary nga addan ti P86.3 billion.
