LAOAG CITY – Inpetteng ti testigo ti prosekusion a ni dati a Commission on Audit COA state auditor Roderick Wamil a no adda ti maawat ti maysa nga indibidual a notice of suspension gapu ta saanna a nasurot ti auditing rules ket aaddaaan daytoy ti presumption ng inaramatna ti pondo para iti personal nga interesna.
Daytoy ti nagbalin a sungbat ti testigo itay nasaludsod daytoy ni Senator-judge Imee Marcos no adda ti findings ti COA a naaramat para iti bukodda nga interes.
Inlawlawag ti testigo nga adda ti “presumption ngem saan daytoyen a masapol a dakamaten” a nakabasar iti joint circular 2015-01, a nangikeddeng ti guidelines iti panagaramat ken panag-audit ti condidential ken intelligence funds.
Mainaig iti daytoy, inpetteng ni Wamil ti Paragraph 8.3 ti joint circular a nakalanad a ti pannakapaay ti accountable officer nga i-liquidare ti public wenno confidential funds ket katukad ti “prima facie evidence,” a nagastos ti mapukpukaw a pondo.
Malaksid iti daytoy, sinaludsod pay ni Marcos no adda ti COA finding iti Audit Observation Memorandum ken notice no natakaw ti confidential funds.
