LAOAG CITY – Kalikagum ni Mrs. Helen Rose Domingo, mangidadaulo ti Provincial Sports and Development Office nga ad-adu ti bilang dagiti atleta manipud ditoy Ilocos Norte a makipaset inton Palarong Pambansa 2025.
Segun kenkuana, daytoy ket tapno maipakita ti gagar ken kinalaing dagiti umaayam nangruna ket host ti probinsia inton sumaruno a tawen.
Inbatadna nga iti Batang Pinoy ket nakagun-od ti balitok a medalya ti probinsia para iti beach volleyball.
Kunana a dagiti tallo nga atleta a naipatulod a nakilaban iti wrestling ket agpapada a nakagun-od ti medalya, maysa a gold ken dua a bronze medal.
Kabayatanna, inpakaammo ti mangidadaulo ti Provincial Sports and Development Office nga adda ti pakabuklan a 53 nga atleta ti naipatulod a nakibinnalubal iti nasao nga sports competition ken 80 a porsiento ti nagballigi kadakuada.
