LAOAG CITY – Natakawan ti Provincial Treasury Office.
Segun ken ni P/Maj. Sheryl Guzman, pannakangiwat ti Ilocos Norte Police Provincial Office, nabigbig ti suspek a ni Jayson Corpuz, alyas puraw, adda iti umno a tawen, residente ti Brgy. 1 ditoy siudad ti Laoag.
Inbatadna a basar iti inwayatda nga imbestigasion, nabigbig ti suspek babaen iti ala dagiti naimuntar a Close Circuit Television wenno CCTV camera iti kapitolio probinsial.
Inlawlawagna a nakaawat ti report ti Philippine National Police ditoy siudad ti Laoag manipud kadagiti uppat nga empleado ti Provincial Treasury Office a natakawan ti opisinada.
Kunana a naripar dagiti maseknan nga empleado a nawara iti pangopisinaanda isu a dagusda a nadlaw nga adda ti mapukpukaw a kuarta a collection-da a dumanon iti 3,500 pakairamanan ti ATM card.
Malaksid iti daytoy, inpalgakna a natakawan pay ti maysa nga empleado ti 2,820 pesos a collection-na ken 1,500 a personal money ti sabali pay nga empleado.
Innayon ni P/Maj. Guzman a napilaan ti kaso a robbery ti suspek.
