LAOAG CITY – Inruaren ti Department of Budget and Management (DBM) ti pundo para iti medical allowance para kadagiti mangmangged iti gobierno.
Segun ken ni Budget Secretary Amenah Pangandaman, ti pannakaipaay ti medical allowance ket naiyataday iti Executive Order (EO) 64 nga inruar ni Presidente Ferdinand R. Marcos Jr. idi Agosto 2, 2024 a nailanad ti nayon iti sueldo para kadagiti agpapaay iti gobierno.
Ti tinawen a medical allowance ket maipaay iti kada kualipikado a civilian government personnel kas maysa a subsidy tapno maka-avail ti HMO-type benefits, maibasar iti Budget Circular 2024-6 nga immunan nga inparuk-at ti sekretario.
