LAOAG CITY – Naiget a sipsiputan ti Provincial Veterinary Office nga idadauloan ni Dr Loida Valenzuela dagiti agisursursur iti lako na a karne ti baboy.
Daytoy ket kalpasan nga adda ti natiliw na a naglako ti karne ti baboy nga agsursursur.
Kuna na nga awan ti naipakita ti maseknan a permit iti panaglako na.
Segun kenni Valenzuela, saan pay a dimmalan iti inspenksiyon ti karne ti baboy ken saan a naparti iti slaughter house ti baboy.
Gagem ti nasao nga opisina a maliklikan a maaddaan ti kaso ti African Swine Fever.
